Deasg

'S e lìonra de lìonraidhean sòisealta a tha sa cho-shaoghal. Saoil...

• gum b' urrainn dhut innse do sheanail YouTube gur toigh leat video o Facebook
  
• gum b' urrainn dhut beachd a sgrìobhadh fo dhealbh Instagram o Twitter

Seo an dòigh air an obraich an co-shaoghal.

A bharrachd air sin, tha a h-uile càil ’ga thogail leis na coimhearsnachdan fhèin seach a bhith fo smachd nan companaidhean teicneòlais mòra.

’S e làraichean fa leth a b’ ann an AbairThusa is Mygaelic. Mar sin dheth, ged a bha e math àite sònraichte fhaighinn dhan Ghàidhlig, cha robh cothrom againn bruidhinn ri daoine air an t-saoghal mhòr fharsaing, agus sin a’ phrìomh-adhbhar nach do shoirbhich leotha.

Sa cho-shaoghal, ’s urrainn dhuinn àite sònraichte a chruthachadh dhan Ghàidhlig le loidhne-ama ionadail ach a tha ceangailte ris an t-saoghal mhòr fhathast agus ’s urrainn dhuinn daoine a leantainn a tha air frithealaichean no fiù seirbheisean eadar-dhealaichte.

Seo na buannachdan a gheibh thu às:

• Chan eil làraichean a’ cho-shaoghail sgaraichte o chàch a chèile mar a tha na làraichean mòra
  
• Gheibh thu loidhnichean-ama san òrdugh a thig na postaichean a-steach
  
• Cha dèid postaichean fhalach uat gun iarraidh
  
• Tha e suas ris an luchd-cleachdaidh dè na postaichean a thèid a bhrosnachadh is chan eil smachd aig "algairim" air seo idir
  
• Air frithealaichean beaga, tha e nas fhasa dhèiligeadh ri droch-dhìol: gheibh thu grèim air an fheadhainn a tha a’ ruith nam frithealaichean gun chnap-starra ma dh’èireas trioblaid. Gabhaidh droch-fhrithealaichean a bhacadh cuideachd ach an cùm thu na Nazis fad air falbh uat.
  
• Cha dèid fiosrachadh mud dhèidhinn a sgrùdadh no a reic
  
• Chan eil sanasachd ann
  
• Cha dèid sgudal connspaideach sparradh ort
  
• Tha na seirbheisean stèidhichte air bathar-bog saor is mar sin dheth gabhaidh an eadar-theangachadh dhan Ghàidhlig
  

Air an làimh eile

• Tha àireamh nas lugha de dhaoine ann agus feumaidh sinn a bhith foighidinneach gus an dig barrachd dhaoine a-nall ’s am faigheamaid an critical mass mar gum biodh. Chì thu co mheud neach a tha ann air the federation. Bha còrr is 6 millean aig an àm a sgrìobh mi seo.
  
• Seach air a’ phost-d, chan eil sinn cleachdte ri bhith a’ conaltradh le iomadh frithealaiche. Gidheadh, cha doir e fada gus am bi thu cofhurtail leis.
  

Mur eil thu airson an còrr a leughadh, bidh fàilte chridheil romhad air an Ailbhean - siuthad is feuch e!

Tha cunntasan air a’ cho-shaoghal ag obair coltach ri seòlaidhean puist-d:

1. Tagh seirbheis no frithealaiche a tha a’ còrdadh riut, can ball-eisimpleir.social
   
2. Clàraich cunntas le far-ainm, can cuideigin
   
3. Sin agad e, ’s e cuideigin@ball-eisimpleir.social a th’ ort a-nis
   
4. Nise on a tha thu ann, cuir beagan fiosrachaidh ris a’ phròifil agad is sgrìobh post leis an taga hais #introduction no #fàilte
   
5. Thoir sùil air na loidhnichean-ama poblach is eòlaire nam pròifil ach an lorg thu daoine a tha inntinneach dhut
   

’S urrainn dhut iomadh cunntas air iomadh seirbheis no frithealaiche fhaighinn cuideachd ma thogras tu, can airson videothan a chur an àirde no airson bruithinn mu chuspairean sònraichte.

Mìnichidh mi dè na seirbheisean as cudromaiche a tha ann a-nis agus càite an lorg thu iad. Mholainn gun tagh thu an t-seirbheis a tha a-rèir na tha thu fhèin airson fhoillseachadh – cuimhnich gur urrainn dhut a h-uile càil a leughadh is beachdan a chur ris co-dhiù ge b’ e càite a bheil an làrach-dhachaigh agad.

Ma tha taic a dhìth ort, thoir iomradh orm le @gunchleoc@ailbhean.co-shaoghal.net. Tha taga hais #FediHelp ann cuideachd airson ceistean a chur.

Nise, bheir sinn sùil air na seirbheisean a tha ri fhaighinn air a’ cho-shaoghal.

Tha Mastodon coltach ri Twitter, ach le barrachd chomasan:

• Tha 500 caractar agad mar as àbhaist
  
• ’S urrainn dhut gleus a chur air na dealbhagan agad le puingean fòcais
  
• Taic OCR airson dealbhan a mhìneachadh dhan fheadhainn air a bheil cion-lèirsinne
  
• ’S urrainn dhut nithean fhalach fo rabhaidhean susbainte
  
• Tha innealan làidir an aghaidh droch-dhìol am broinn Mastodon a chuidicheas ach an dìon thu thu fhèin
  
• Eadar-aghaidh sa Ghàidhlig
  
• ’S urrainn dhut cur romhad nach fhaic thu ach postaichean sa Ghàidhlig ma thogras tu
  
• Trì loidhnichean-ama:
  
  • Pearsanta: Na daoine a leanas tu fhèin
    
  • Ionadail: Na sgrìobh na daoine aig a bheil an aon fhrithealaiche ’nan dachaigh
    
  • Co-naisgte: A h-uile càil air a bheil am frithealaiche eòlach, le postaichean o fhrithealaichean eile cuideachd

Seo far am faigh thu e:

• Làrach-lìn oifigeil: joinmastodon.org
  
• Liosta de fhrithealaichean:
  
  • joinmastodon.org/servers
    
  • instances.social
    
  
  
• Aplacaidean fòn-làimhe:
  
  • Tusky air F-Droid (Android)
    
  • Tusky air Google Play (Android)
    
  • Metatext san App Store (iPhone)
    
  • An aplacaid oifigeil san App Store (iPhone)
    
  • Liosta oifigeil nan aplacaidean
    
  
  
• Frithealaichean ionadail:
  
  • Gàidhlig: ailbhean.co-shaoghal.net
    
  • Alba: mastodon.scot
    
  • Glaschu: glasgow.social
    
  • Alba Nuadh: oceanplayground.social
    
  • A’ Chuimrigh: Tŵt Cymru
    
  • Èirinn: mastodon.ie
    
  
  

Tha Friendica coltach ri Facebook, le buidhnean is tachartasan ann. Gabhaidh a cho-nasgadh le cunntas Twitter cuideachd.


Seo far am faigh thu e:

• Làrach-lìn oifigeil: friendi.ca
  
• Liosta de fhrithealaichean: dir.friendica.social/servers
  
  
• Aplacaidean fòn-làimhe:
  Chan eil aplacaid shònraichte ann ach thathar ag ràdh nach eil Tusky dona.
  
  • Tusky air F-Droid (Android)
    
  • Tusky air Google Play (Android)
    
  
  
  

Bheir Mobilizon buidhnean is tachartasan dhuibh. Tha e cuideachd ag amas air luchd-iomairt a bhiodh fo chunnart ’s dòcha agus comas ann airson pàirt a ghabhail gun urra. Tha e iomchaidh do thachartas de sheòrsa am bith ge-tà.

Seo far am faigh thu e:

• Làrach-lìn oifigeil: joinmobilizon.org
  
• Liosta de fhrithealaichean: mobilizon.org
  
  
• Aplacaidean fòn-làimhe:
  
  • Mobilizon air F-Droid (Android)
    
  • Mobilizon air Google Play (Android)

’Se làrach ag amas air videothan fada a th’ ann am PeerTube.

Seo far am faigh thu e:

• Làrach-lìn oifigeil: joinpeertube.org
  
• Liosta de fhrithealaichean:
  
  • https://joinpeertube.org/instances
    
  • instances.joinpeertube.org
    
  
  
• Aplacaidean fòn-làimhe:
  
  • Liosta oifigeil nan aplacaidean
    
  
  
• Frithealaichean ionadail:
  
  • tbh.co-shaoghal.net
    
  
  

Gheibh thu dealbhan-camara agus videothan goirid air Pixelfed.

Seo far am faigh thu e:

• Làrach-lìn oifigeil: pixelfed.org
  
• Liosta de fhrithealaichean: fedidb.org/software/pixelfed
  
  
• Aplacaidean fòn-làimhe:
  
  • Pixeldroid (Android)
    
  • Aplacaid oifigeil (iPhone)
    
  
  

Tha Castopod ag amas air pod-chraolaidhean.

Seo far am faigh thu e:

• Làrach-lìn oifigeil: castopod.org
  

Tha Funkwhale ag amas air ceòladairean.

Seo far am faigh thu e:

• Làrach-lìn oifigeil: funkwhale.audio
  
• Liosta de fhrithealaichean: network.funkwhale.audio
  
  
• Aplacaidean fòn-làimhe:
  
  • Liosta oifigeil nan aplacaidean
    
  
  

Tha fiù ’s a’ bharrachd ann na mhìnich mi. Seo làraichean le foir-shealladh mun cho-shaoghal:

• https://the-federation.info/
  
• https://fediverse.info/
  
• https://fediverse.party/
  
• https://joinfediverse.wiki/